Wednesday, February 15, 2006

قال الضرب ف الميت حرام





ف مرة لقيت ميت
طلعت ميتينه
و أكلته لكلاب الشارع
لا قال آى .. ولا نزل دم
قلبى انشرح
ماهم قالو بردو
اللى يأكل كلب له الجنة
لميت كلاب الشارع
وحلفتلهم ميت يمين
ما يجوعو تانى
أصل الميتين كتير
----------
وجالى عفريت
ياخد طاره منى
قلت مكلتش .. فتشنى
وندهت ع الكلاب
قولتلهم لو كنتو سميتو قبل ماتكلو
مكنش حصل اللى حصل
عضونى وجريو
أصلهم ولاد كلب
----------
وجبت فتوة ياخدلى حقى
ضربلى الهوا قلمين
وقاللى حقى
قلتله أنا حقى وحقك فوق
افتكرنى بألس
ورفع ايده يضربنى
قلت حراااااام
الضرب ف الميت حرام