Tuesday, November 22, 2005

لا أفهمه..لكن أعجبنى




صباح الخير " تقولها لى وهى تتثاءب بكسل " صباح الفل " قلتها لها وأنا"

أتأملها جيداً ....تلك النظرة الكسلى بعيناها ...وشفتاها الحمراوان منتفختان قليلاً من آثار النوم ومنفرجتان بابتسامة خفيفة ...ينحسر الغطاء عن قدميها الناعمتين ....لماذا يبدو لى سريرى الذى تنام عليه أجمل من ذى قبل ؟؟ أشعر برغبة قويه فى الاقتراب... فاقتربت وجلست بجانبها ومررت أصابعى فى شعرها وأنا أقول " هل نمتى جيداً؟" أصدرت ذلك الصوت المتآوه من فمها والذى يعنى الموافقة .....يتصاعد توترى وأنفث الهواءالذى نسيته فى صدرى وآخذ نفساً عميقاً....الآن فقط أدرك معنى تلك النظرة فى أعين الرجال واشعر بالأحتراق....لم أرغب فى حياتى بشىء بقدر رغبتى فى لمسها .. ومررت بأصابعى على شفتيها وانزلقت بخفة على رقبتها وعبرت خلال ذلك الوادى الصغير ..عيناى تزداد اتساعاً وشفتاى تنفرج وصدرى يعلو ويهبط بجنون..."ماذا تفعلى.. هل جننتى؟؟" صرخت فى وهى تبتعد...انطلقت ضاحكة حتى ادمعت عيناى وقلت لها "كل مرة تاكليها.. بالهنا والشفا يا قطة" وضحكت ثانية ولكن لأنى أعرف فيم تفكر تلك الساذجة ...تفكر فى أنها فى المرة القادمة لن تدعنى أخدعها ثانية ..ستتركنى افعل ما أشاء حتى أخجل وأتركها وتضحك هى حينئذ على...

ابتسمت وأنا أفكر فى تلك المتعة المبهمة التى شعرت بها وأنا بالقرب منها

17 comments:

mindonna said...

يخربيش اسلوبك

تحفة ياهيرا ، بتعبري عن حاجات الواحد عمره ما يقدر يقولها
shake hands
بس انا ايديا مش طرية

ياهاهاهاها

Ghada said...

لا لا لا شديده يا بت يا هيرا

متحاوليش تفهمي أحسن

hihihihi

ملك said...

:)
التعبير عن الفكرة و الاحساس عجبنى
و نجحت فى توصيل الشعور بالتوتر و شد الاعصاب و بعدين هب ننزل بالرتم الداخلى مرة واحده

Ahmed Shokeir said...

خضتيني ياشيخة .. أنا توقعت الأول إنها قطة بس رجعت غيرت وجهة نظرى تانى لما قلتى ..

وشفتاها الحمراوان منتفختان قليلاً من آثار النوم

قلت لأ ماأعتقدش إن شفايف القطة ممكن تنتفخ

لكن طلع ظنى صح
التسلسل عجبنى أوى .. وآخر جملة وقفت عندها شوية كتير

Nightlegend said...

لذيذة جدا,انا مككنتش مصدق عينيا فى الاول وانا بقرا ودماغى راحت لبعيد!

HERA said...

mindonna:ال ال ال ال ايه ده؟ مايندونا انتى كنتى بتحسى بالحاجات دى؟ عاوزاكى توصفيلى بالظبط انتى بتحسى بإيه ...ومتخافيش الحاجات دى ليها علاج
:)))
بس انا ايديا مش طرية"
انا راضى يا باشا

ghada:ميرسىى ياحبيبى
على فكرة انا فاهمه بس بستعبط
;)

ملك: الأول اهلا بيك فى المدونه...ثانيا ميرسىى جدا على التحليل الجميل ده

ahmed shokeir:انت قصدك طلع ظنك صح فى انها قطه؟ يختى عليك تجنن وانت برىء
لا هيه مش قطه المفروض انها واحدة صحبتى بس هوه انت اتخضيت ليه؟؟؟
على فكرة انا كان عندى قطة زى القمر كتبت عنها بس وهنشره قريب انشاءالله

nightelgend:منور المدونه ياللى انا مش عارفه معنى اسمك
ميرسى ده انت اللى لزيز ه
مش مصدق عينيك ليه؟؟؟ ماهو فى بنات كتير كده


ملحوظه عامه الى كل من هب ودب فى هذة المدونه
lesbian انا مش

HERA said...

آه شوكير على فكرة انا عندى صور لزيزة ممكن تنفعك للمدونه بتاعتك "صور طريفه" لو عاوزها انا ممكن ابعتهالك ميل

Ahmed Shokeir said...

صورك تنور المدونة
ocianacafe@yahoo.com

هاها .. حلوة الملحوظة العامة دى

3arousa 7alawa said...

أعتقد أن الرجال لا يستطيعون هضم مثل هذه الوجبات الدسمة.. بالراحة شويه عليهم يا هيرا

Anonymous said...

علافكره واضح انك مريضه نفسيا عشان تكتبى كلام بالمنظر دا وانتى بنت ياماانتى بقى عندك مشاكل فى الهرمونات بس عشان اكون حقانى انتى اسلوبك فعلا حلو بس كلامك مستفز

احمد فوزى said...

بيتهيألى لما الشيخ امام قال
هتفضل مصر ولادة وفيها الطلق والعادة
كان يقصدك انت وناس تانية ماليين البلوجات دى

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Anonymous said...
This comment has been removed by a blog administrator.
Zaytuna Sharqua said...

.....يتصاعد توترى وأنفث الهواءالذى نسيته فى صدرى وآخذ نفساً عميقا

jokerman said...

Look, you show signs of literary sparks. I do not agree that its as fantastic as some here say but it is good different, whether or not you are a lesbian who is disgusted with men (rightly you are) or heterosexual with an identity crises (understandable in this society) & its your problem to find an answer to, as Socrates said "know thy self".
All i will say is, try & write a short story, the first step u took is to set ur mind free from the chains, now take another step & use your talent or crises to start writing.

احمد بركات said...

السلام عليكم ورحمة الله وبركاتة انا اول مره بزور فيه المدونة وبجد اعجبتنى ومحبتش اخرج بدون ان اقول كلمتى بجد اكثر من جميلة thanks for all