Saturday, January 21, 2006

أمس انتهى الحداد




يوم الأربعاء 18/1
ميعاد امتحان المادة الوحيدة .. أول يوم امتحانات وآخر يوم - أنا مدبلرة :) - وبرغم العهد الذى قطعته على نفسى منذ أول يوم فى الكلية بتحريم لمس أى كتاب دراسى أو النظر فيه .. لكنى ومنعاً للنكد ولرغبتى فى الإستمتاع بالأجازة أغرقت نفسى ليلة الأربعاء وحتى صباحه فى أكوام من الورق والملخصات
وكانت هذة اول مرة منذ ثلاث سنوات تلمس فيها اليدان الطاهرتان مادة دراسية وبغض النظر عن الإكتئاب الحاد الذى أصابنى ورغبتى المميتة فى الانتحار كانت المشكلة العقيمة التى واجهتنى هى كيف تكون المزاكرة ؟؟؟؟؟
واختصاراً للأحداث التى بدأت بمحاولات أمى لمساعدتى بأن تجعل المقرر فى صيغة أغنية - كما كانت تفعل معى وأنا طفلة - والتى انتهت بترك بصماتى الفنية على جدران غرفتى .. فى الصباح كنت قد انتصرت على نفسى وانهيت المقرر كله مع آخر نفس فى صدرى وقطعت الطريق إلى المطبخ زاحفة .. فصنعت ذلك المزيج المدمر من القهوة والشاى والنسكافيه وشربته واستعددت للذهاب إلى الجامعة ثم اتصلت بالأصدقاء لنتلتقى هناك ونحتفل بعد الامتحان
ولم أستطع السيطرة على فرحتى البلهاء طوال الطريق حتى وصلت .. وبعد اللقاء مع أصدقائى ورحلة البحث الطويلة عن رقم جلوسى وجدته أخيراً وبعدما سجلته على كف يدى سرقتنى نظرة نحو المواد المعادة
شهقة و نظرة ذعر ثم لأااااااااااااااااااااااا ( المادة التى استعددت لامتحانها غير المادة المقررة على والكارثة إن معادها كان أول يوم) وهرع أصدقائى نحوى بكل حماس والإثارة تتقافز من أعينهم الذئبية ليسألونى ماذا حدث فأشرت لهم بنظرات مذهولة و أصابع ترتجف نحو المواد .. فأصابتهم الصدمة وأصبح التعبير السائد على وجوهنا هو الذهول مع القليل من التناحة .. وقطعت أنا الصمت بضحكة هستيرية وأصابتنا جميعاً كريزة ضحك هستيرى
وبدأ كل من وجد فى نفسه شىء من الظرف والخفة فى إطلاق النكات والإفيهات
وفى النهاية تحقق الهدف من كل ذلك وهو الإحتفال .. ولكن مع تعديل بسيط
فى البداية كان الاحتفال بالأجازة أما الآن فقد أصبح احتفال بالنكسة

38 comments:

Anonymous said...
This comment has been removed by a blog administrator.
Lasto-adri *Blue* said...

نياهاهاها
طب يابنتى بدا ما تسيبى اثر الاغنية ع الحيطة.. كنت تكتبى ميعاد الامتحان.. حراام عليكى نفسك ح تعيدى تانى يا مفترية!!!

HERA said...

لست أدرى
:)
أغنية ايه اللى على الحيطه ؟؟
ده انا سمعت عليها ورسمت فراشات وقلوب ولونت كده يعنى
معاد امتحان؟؟
انا زاكرت مادة تانية اساسا
:)
متخافيش مش هعيد انشاءالله تتعرض بقى السنه الجية

ميشيل حنا said...

اللي حصل لك ده كان كابوس بيطاردني دايما أيام الكلية. ودايما يلح علي جدا ليلة الامتحان ان المادة اللي باذاكرها دي مش هي المادة المطلوبة، ودايما كنت أتصل بواحد صاحبي ليلة الامتحان الساعة 12 بالليل أصحيه وأسأله هي مادة بكرة إيه؟
المشكلة ان الهاجس ده انتقل مني للصديق ده لدرجة ان هو اللي بقى يعمل الحركة دي كل ليلة امتحان بعد كده!
ربنا يفك أسرك من التعليم يا بنتي!

freedom said...

تعيشي وتاخدى غيرها
على فكرة
الدراسة فى الكلية بتاعتك المفروض يعنى تكون 7 سنين على الأقل
مراعاة لشعور اخوانا بتوع طب
وده بالظبط اللى عملته فى كليتي برغم أن زمايلي كانوا بيقولوا لي انها اربع سنين بس
مش عارف بيجيبوا الاشاعات دي منين
واديكي اهو شايفاني مدون عظيم من الدرجة الأولى الممتازة بتاعت رجال الأعمال واللى نجحوا قبلي وكانوا دفعتى اتجوزوا وخلفوا وطلعلهم كرش محترم ونفسهم يعيشوا تجربتى الرائدة بس خلاص
حد قالهم يطلعوا فالحين!!!!

Jokerman said...

If the university your are studying at is so bad, why dont you drop out & seek something else you would like to study?
I used to study from notes then enter the exam to find nothing, NOTHING from what i studied, my face would turn to red with anger & so i would sit down & write whatever i studied anyway, hell i wasted time studying it & wasnt going to let it go down so easy.
& it did work!!
Turned out that the bloody professor was pissed everyone was getting the notes & not buying his dear book so he got hand of the notes & simply focused the exam on everything that wasnt inside even the important points, see how greedy & destructive professors are??

الكناوي said...

المهم هي النتيجة أكيد حتنسيك كل التعب ده وأنا متأكد إنك ناجحة عفاريتي قالوها لي

Nightlegend said...

واللهى حرام عليكى اللى بتعمليه فى نفسك,بصراحة متغاظ منك ونفسى أشدك من شعرك!

Ahmed Shokeir said...

هى لامؤاخذه ياهيرا كلمة من تلات حروف
أولها زى أخرها
7 وإللي فى النص ممكن يكون رقم
بالإنجليزى

لـيـلـيـت said...

مكسوف قوي يا شقير
!!

Moia said...

يا قلبك .. انا كان ممكن يغمى عليا ما صحاش تانى :)

HERA said...

ميشيل حنا: دى صورى معكوسة تماماً
:) انا بتصل بردو بأصحابى بالليل عشان اعرف المادة الجاية اية
بس عشان ابتدى اجهز البراشيم
:))
وربنا يسمع منك
----------
فريدم: يخلوها سبع ايييه؟؟؟؟؟؟
مايولعو بتوع طب
المفروض نعمل زى اى معهد محترم من بتوع سنتين واخلع
عندك حق فلتحيا المدونات وليحترق ذوى الكروش الملزلزة
----------
جوكر مان:
c'est la vie
دكاتره بقى
بس انا ممكن اروح فيها لو حصلتلى حاجه زيك كده
ماهى حصلت :)
والدرس اللى نتعلمه من كده اننا عمرنا مانزاكر ابدااااااااا
----------
الكناوى: ماهو مفيش نتيجة
:)) هيه موصلتش وللا ايه؟؟
انا مدبلرة يعنى بعيد السنة على المواد اللى شيلتها
وهيه كانت مادة واحدة بس
العفاريت بتاعتك تايوانى
ومعندهاش ضمير كمان
----------
نايت ليجند: الله يبارك فيك
واللهى فرحتلك اوى
بس المرة الجاية لازم تعزمنى
----------
احمد شوكير: حمدلله على السلااااامة
بجد بجد منوووور
مش فاهمة يا شوكير
عروستى
:))
----------
آحاا
----------
مويا: بعد الشر عليك يا جميل
:)
أنا بس كل اللى مدايقنى أن فرصة عظيييمة زى دى ضاعت عليا
كنت استمتعت انا وضيعت الامتحان عليا بمزاجى وعيشت اللحظة
خساااارة متتعوضش

Foxology said...

كنتي دخلتي الامتحان بتاع الكمادة التانية

وكتبتي اسئلة من المادة اللي ذاكرتيها وجاوبتي عليها

وخلاص

كانت هتبقى فل يعني

عشقك ندي said...

أنا ونكستك طلعنا مواليد نفس اليوم يعني كل سنة نحتفل أنا ونكستك بعيد ميلادنا ويا ريت تجيبلنا تورتة وتعمليلنا بارتي
عموما ماتزعليش وهو ده قدر العباقرة يعني مثلا نيوتن كان خيبان وسقيط واكتشف قانون الجاذبية انت بقي حتكتشفي قانون ايه

فنجان قهوة said...

ماهو قليل البخت
زى ما بيقولوا
معلش يا بنتى
المؤمن مصاب

HERA said...

فوكس: ماهيه فل وقشطه
عاتى
وبعدين مادة تانية ايه؟ مانا ماليش مكان فيها اصلا

عشقك ندى: كل سنة وانت طيب يا جميييييييل
:))
ومسامحين ياسيدى لو كل عيد ميلاد ليك يبقى بنكسة ليا
فعلا عندك حق هوه ده قدر العباقرة
انا اكتشفت حاجات خطيرة جدا بس مقدرش اقولها بعدين اتنظر

فنجان قهوة: عندك حق المؤمن مصاب
وكل مازاد ايمانه كانت المصيبة كبيييرة

sonia said...

هيرا مبروووووووك أنا شايفاكى مزأتته مدام الموضوع مفرحك كدا يبقى يارب تسقطى كل سنه عشان تفضلى مزاتته كداعلى طوووووووووووول

rubyeldaly said...

معلش يا بنتى قدر حنعمل اية؟
تعوضيها السنة الجاية بس انقلى الجدول صح المرة دى

sandoo said...

عادى جدا اللى بيحصل ده صدقينى لو كنتى ذاكرتى المادة اللى عليها الدور ما كنتيش هاتكتبى الكلام ده ولا هاتحشى الدنيا بالشكل ده ساعات باحمد ربنا ع الفشل !!! بجد لانه فى الاول بيقلب كابه وبعد كده بيشغل دماغى فى حته تانية جديدة وانا لو ما كنتش جديد هاموت انتى كده برضه ؟

DareDevil said...

nice post :)

littilemo said...

مقدر ومكتوب
وعادى جدا
امر الله
ما دام الواحد عمل اللى عليه

Mr-Biboooo said...

اعتقد انك بعد ما خرجتى من الكلية اول حاجة عملتيها شربتى سحلب

Dr. Hussein Magdy said...

وأي نكسة؟؟ هو إنتي كدة فرحانة؟؟ ولكن خيرها في غيرها، وربنا يوفقك.. وعلى فكرة الموقف ده مش جديد حصل ما ألف واحد من إللي اعرفهم، واسمحيلي أوجهلك شوية نقد... إنتي إللي غلطانة عشان ما إهتميتيش تتأكدي من المادة المعادة أو إسمها... كان الله في العون... ربنا معاكي

Anonymous said...
This comment has been removed by a blog administrator.
Anonymous said...

grrrrrrrr

بنوتة said...

بالتوفيق بالامتحانات


وما تخافى نمن الفشل


مودتى لكى

Aladdin said...

سألت سؤال في تدوينة سابقة عن اسم "هيرا" (دون قصد الإساءة) فوجدت رداً رديئا.. يا ريت تفرقي بعد كده بين اللي بيستظرف وبين اللي بيكلم جد..

sydalany-وش مكرمش said...

ربنا يسهلك
و يسهلنا

و ما يجعلناش من أمثالك

mindonna said...

انتي يا بت
بطلي كسل و اكتبي حاجة جديدة
:p

Anonymous said...

Sonia

انتى عاوزاها تسقط فى ايه بالظبط ..؟

HERA said...

سونيا: ميرسىى يا ستى انا عارفه انك تقصدى خير

روبى الدالى: اكيد هيحصل

ساندو: اكيد طبعا ماهو التضاد بيؤكد المعنى ويوضحه
وللا ايه؟

ديرديفل: ميرسىى على مرورك


ليتيل ايمو: انا مقلتش انى عملت اللى عليا
وبعدين انا مش فاهمه ايه طابع المواساة اللى فى التعليقات ده؟؟


مستر بيبووو: لا السحلب ده بشربه وانا قاعدة مع الحبايب :)


د/ حسين مجدى: حمدلله على سلامتك
منور

بنوتة: اهلا بيكى وليكى كل المودة

علاء الدين:عفواًالسؤال اللى سألته كان اكثر من ردىء
يعنى هيرا اكتبها لأى لطفل فى اولى ابتدائى وقوله ينطقها هيقولك هيرا اساله مين هيرا دى يا حبيبى هيقولك بتاعت هرقليز


وش مكرمش: وميجعلكوش من امثالى؟؟
ليه بقى انشاءالله؟
جربانة؟

مايندونا: عشان خاطرك بس جميل

Anonymous said...

I know what you did last summer ?

Anonymous said...

yalla fe steeen dahya

Anonymous said...

هو الواد جوكر مان لسة زى ماهو برضة ..؟

Anonymous said...

طيب انتى عرفتى قبل ما تخشى انا عرفن بعد ماوزعوا ورق الاسئله تخيلو عمات ايه؟ الماده كانت كلها لاتينى ومصطلحات قعدت اكتب بالانجليزى اى حاجه وعلى راى الشاعر اللى فال حبه فوق حبه فوق وحبه تحت حبه تحت واديها انجليزى مشبك مع شويه حبشتكانات وعديت مغ تقدير الشعب(مقبول يعنى)

RADWA FOUAD said...

WALA YEHEMEK......TOOZZZZZZZZZ...
BALA NEEELA .....HOWA DA ESMOOO TA3LEEEEM....KABARY YAM OTTA....

RADWA

نــــــــــون said...

والله يبنتي ما كنت عتبت عتبة الامتحانات تاني اصلا

Anonymous said...

Looking for information and found it at this great site... Watson oxycontin online acuvue contact lens $0.00 search engine marketing firm 2008 lamborghini Garmin pda auto navigation kit